اين اجد عطر Benetton Cold

Perfume.com

Benetton Cold

عطر Benetton Cold : السلام عليكم و رحمة الله و بركاته . اريد ان اعرف اين اجد عطر Benetton Cold فى الاسكندرية وكم سعرة واريد اعرف راى كل من جربه و هذة صورة للعطر .

وعايز اعرف هل brut لسه موجودة فى السوق وسعرة ورايكم فيه اسف جدا تاعبكم معايا 😀 . فائق تحياتى ، أخوكم محمد صلاح

[ad#Perfumes 180]

مواقع عالمية موثوقة لبيع العطور عبر الانترنت

19 تعليق

  1. أهلا بك أخي الكريم . ربما تجد هذا العطر لدى محلات فورتشن بمول سان ستيفانوا بالاسكندرية أو لدى مزايا أو وجوه . و أنا لم أجربه بعد .
    أما عطر بروت الرائع فهناك اصدار معدل منه على ما اعتقد و هو متاح في معظم المحلات الصغيرة و لدى الصيدليات الكبرى . اسأل لدى ريالتو شوب بشارع صفية زغلول أو لدى صيدلية خليل الجديدة في مصطفى كامل على شارع أبو قير . سعره تقريبا 45 جنيه مصري .

  2. الف شكر حبيبى نورانيوم 🙂

  3. السلام عليكم

    اخي الحبيب محمد صلاح يفضل ان لاتجده طبعا حتقول لي ليه وانا حقول لك السبب انا استخدمت cumbia colours by benetton بصراحه اروع ما انتجت هذه الشركه ورائحته رااائعه جدا وكانها سوسنيه يعني لما ترشها على نفسك لازم تسوي حركه باسنانك وهي زي لما تاكل شطه كتيره المهم نكمل بعد نص ساعه اش يحصل يا محمد يا حبيبي يختفي العطر تماما تدور هنا ولا هنا طيب في الدولاب في اي مكان مافيش اي اثر يعني ينفع لنوم لنزول للصلاه والحاجات هذي اما العطر الي انت ذكرته فرائحته رخيصه اولا ولاتدوووم ثانيا وجرب الاول يمكن يعجبك حبيبي …

    اخوك ***

  4. EHAB AHMED ABDELHAFEEZ

    عطور -بنيتون —– غالبا توجد في ——محلات –بنيتون للازياء
    هي علي العموم ——-عطور خفيفه –غير ثابته
    علي سبيل المثال ——- انفيرنو باراديسو — من بنيتون
    جميل جدا ——-ساعه وانسي ——–غير ثابت

  5. شكرا جزيلا شباب على الافادة

    انا كده عرفت كل حاجه

    هل بروت ايضا لا تدوم كثيرا ؟

    اصل انا عايز اجيب هدية لواحد وصعب ادفع كتير على هدية

    فبشوف حاجه رخيصة شوية

    • شوف يا معلمي 🙂 بما إن الحكاية كده … ممكن تشتري سلفر سنت 50 مل ،، حته كده في العضل 🙂 أو بوجارت للرجال 100 مل .. وهم 🙂 تقريبا في كلتى الحالتين راح تدفع بين 125 و 90 جنيه مصري فقط لا غير . لو برضوا مستخسر فيه المبلغ ده 🙂 ممكن تشتري البروت و أمرك إلى الله ، أو تبحث عن عطور كارين لو . روح ريالتو شوب و فتش هناك على حاجة في اللذيذ 🙂

  6. هههههههههه ماشى يا نورانيوم

    ان شاء الله كده كده بكره نازل ريالتو شوب اشوف الكلام

  7. معلش ياحبى اخر سؤال

    هو انجما , و J&g بكم

    عشان اعمل حسابى

    • يعني تقدر تقول انه في أي محل من المحلات التي تراعي طبقات الشعب الكادحة المفترض انه أقصى سعر 80 جنيه 🙂 و انا شخصيا مرة اشتريت جا اند جي بسعر 60 جنيه 🙂

  8. تمام يا نورانيوم شكرا تاعبك معايا 😀

  9. أحمد الفحام

    عطور كارين لو ممكن تلاقيها كمان فى المنشية عند بتوع الجملة ارخص كتير
    فى بارفان منها اسمه Pure Blanc و كمان فى Pure Metal و Pure Black مش حيزيدوا ابدا عن 50 جنيه او اقل كمان

    • ” عفارم عليك ” يا باشمهندس 🙂 حلوة ” عفارم ” دي من الثلاثينيات ههههه . المهم أستاذنا الجليل محمد جاد بالفعل ضرب 3 زجاجات لحد الأن من أحد تلك العطور و قال ان ثباته ممتاز أخاذ بزاز 🙂 بس بصراحة مش فاكر أي واحد قالي عليه !!!

  10. أحمد الفحام

    بصراة ثباته رهيب على سعره ده!!! انا جربت الـ Pure Blanc يا استاذ نورانيوم حلو جدا حبقى اجرب الباقى واقولك 🙂

  11. شكرا يابوحميد انا كده عندى اختيارات كتيرة

    بس طالما الى انت قولت عليهم ثباتهم كويس هتوكل على الله

    ممكن بعد اذنك اعرف فين فى المنشية بالظبط

  12. أحمد الفحام

    فى محلات بتبيع مستحضرات التجميل بالجملة تقريبا يعتبر فى سوق سوريا
    هناك فى كذا محل واحسنهم اسمه اوريجينال

  13. تمام ياباشا

    ان شاء الله اجيب على فكرة انا بحثت ع النت وشوفت pure black

    لقيتة كان جايلى هدية زمان بس ريحتة رووووعة بجد

  14. محمود هنوش

    السﻻم عليكم ورحمة الله وبركاته اشكر شركه العطور COLD على جميع العطور هل يوجد في الاردن وكيل لديكم وشكراً لكم

  15. محمد الحداد

    اشتريت العطر قبل كم يوم بصراحة ريحة قديمة جدا قيمته 40 ريال 100 مل
    غير ثابت و غير راقي
    هذا رأيي فيه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *